सल्यानको बाङ्गिरह नजिकै जीप दुर्घटना, जीपसहित २ जना भेरी नदीमा बेपत्ता

सल्यान- छिन्चु-जाजरकोट सडक खण्ड अन्तर्गत सल्यानको बनगाड कुपिण्डे नगरपालिका-१ बाङ्गिरह नजिकै जीप दुर्घटना भएको छ ।

दुर्घटनामा परेको जीप भेरी नदीमा बेपत्ता भएको छ । जीप सडकबाट ५० मिटर तल भेरी नदीमा खसेको हो ।

लु १ ज ३०२२ नम्बरको जीप बालुवा सङ्ग्रीबाट सल्लीबजार फर्किँदै गर्दा दुर्घटनामा परेको हो ।

दुर्घटनामा चालक र जीपका धनी भेरी नदीमा वेपत्ता भएका छन् । अन्य दुई जना भने सामान्य घाइते भएका छन ।

बनगाड कुपिण्डे नगरपालिका-१ आँपखोली बस्ने २९ बर्षीय प्रेम विक र सोही ठाउँका २१ बर्षीय खुमलाल बुढाथोकी सामान्य  घाइते भएका छन ।।