प्रधानमन्त्री शाह संयुक्त राष्ट्रसङ्घको ८१औँ महासभामा सहभागी भएर स्वदेश फिर्ता

काठमाडौं । – प्रधानमन्त्री बालेन्द्र शाह संयुक्त राष्ट्रसङ्घको ८१औँ महासभामा सहभागी भएर आज स्वदेश फर्किनुभएको छ।

प्रधानमन्त्री शाह नेपाली प्रतिनिधिमण्डलको नेतृत्व गर्दै यही असोज ६ गते संयुक्त राज्य अमेरिकाको न्युयोर्क प्रस्थान गर्नुभएको थियो। उहाँले असोज ९ गते संयुक्त राष्ट्रसङ्घको ८१औँ महासभाको उच्चस्तरीय सत्रलाई सम्बोधन गर्नुभएको थियो।

महासभालाई सम्बोधन गर्दै प्रधानमन्त्री शाहले नेपालमा हालै आएको भोटेकोशी–त्रिशूली बाढीलाई हिमाली क्षेत्रमा बढ्दो जलवायु जोखिमको गम्भीर चेतावनीका रूपमा प्रस्तुत गर्नुभएको थियो।

उहाँले विपद्का कारण ज्यान गुमाएका नागरिक, विस्थापित परिवार तथा क्षतिग्रस्त सडक, पुल, विद्यालय, घर र जीविकोपार्जनका साधनबारे विश्व समुदायको ध्यानाकर्षण गराउनुभएको थियो।

महासभामा सहभागिताका क्रममा प्रधानमन्त्री शाहले संयुक्त राष्ट्रसङ्घका महासचिव एन्टोनियो गुटेरेससँग पनि भेटवार्ता गर्नुभएको थियो।