नेपालमा कोरोना संक्रमित दोहोरो अंकमा झर्यो, २४ घण्टामा ९९ जना संक्रमित, कसैको मृत्यु भएन
काठमाडौं– लामो समयपछि नेपालमा कोरोना संक्रमितको संख्या दोहोरो अंकमा सीमित भएको छ । दैनिक हजारौं संक्रमित भएको नेपालमा गत २४ घण्टामा ९९ जनामा मात्रै संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार देशभरका प्रयोगशालामा २७९४ जनाको गरिएको पीसीआर परीक्षणमा ९९ जनामा संक्रमण पुष्टि भएको हो ।
संक्रमित घटेको मात्रै होइन, कोरोनाले कसैको पनि मृत्यु भएन । अहिलेसम्म मृत्यु हुनेको संख्या २०३५ रहेको छ ।
गत २४ घण्टामा २४८ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६७ हजार ८ सय १२ जना छन् । नेपालमा निको हुने दर ९८ दशमलव ५ प्रतिशत रहेको छ ।
गत २४ घण्टामा काठमाडौं उपत्यकामा ६६ जना संक्रमित भएका छन् । तीमध्ये काठमाडौंमा ४८, भक्तपुरमा ५ र ललितपुरमा १३ जना संक्रमित थपिए ।
प्रतिक्रिया राख्नुहोस्