प्रधानमन्त्री ओली झापा जानुहुँदै

काठमाडौं- प्रधानमन्त्री केपी शर्मा ओली आज गृहजिल्ला झापा जाँदै हुनुहुन्छ ।

विकास निर्माण अन्तर्गत विभिन्न संरचनाहरुको शिलान्यास तथा अवलोकनका लागि प्रधानमन्त्री ओली गृह जिल्ला जान लाग्नुभएको हो । उहाँले आज झापा निर्वाचन क्षेत्र नम्बर ५ मा अवस्थित नेपाल-चीन औद्योगिक पार्क शिलान्यास गर्ने कार्यक्रम रहेको छ ।

प्रधानमन्त्री ओलीले रतुवा खोलामा बनेको पुल उद्घाटन गर्ने पनि कार्यक्रम रहेको प्रधानमन्त्रीका प्रेस सल्लाहकार सुर्य थापाले जानकारी दिनुभयो ।।