२४ घण्टामा ८७ जना कोरोना संक्रमित

काठमाडौं– नेपालमा आज थप ८७ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३३९९ जनाको गरिएको पीसीआर परीक्षणमा ८७ जनामा संक्रमण पुष्टि भएको हो ।

गत २४ घण्टामा ८७ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७० हजार ६ सय ५ जना छन् । नेपालमा निको हुने दर ९८ दशमलव ६ प्रतिशत रहेको छ ।

कोरोना संक्रमणबाट नेपालमा गत २४ घण्टामा एकजनाको मृत्यु भएको छ । कोभिड १९ महामारीको व्यवस्थापन गरिरहेका निकायहरुको तथ्यांकका आधारमा गत वर्षमा कोरोना संक्रमणबाट २३३ जनाको मृत्यु भएको रेकर्डसमेत मन्त्रालयले थप गरेको छ । योसँगै हालसम्म कोरोनाबाट मृत्यु हुनेको संख्या ३०१० पुगेको छ ।

गत २४ घण्टामा काठमाडौंमा ४६, भक्तपुरमा १ र ललितपुरमा २ गरी उपत्यकामा ४९ जनामा कोरोना संक्रमण पुष्टि भएको मन्त्रालयले जनाएको छ ।