गण्डकी अस्पतालमा अब कोभिडको मात्रै उपचार

कास्की- पोखरास्थित पश्चिमाञ्चल क्षेत्रीय अस्पताल (गण्डकी अस्पताल) को ओपिडि (बहिरङ्ग) सेवा आजदेखि अनिश्चितकालका लागि बन्द गरिएको छ ।

पोखरा स्वास्थ्य विज्ञान प्रतिष्ठान अन्तर्गतको सो अस्पतालले हिजो एक सूचना जारी गरी त्यस्तो जनाएको हो ।

अस्पतालले स्वास्थ्य तथा जनसङ्ख्या मन्त्रालय अन्र्तगतको स्वास्थ्य आपतकालिन कार्यसंचालन केन्द्रले कोभिड–१९ का बिरामीहरुको उपचार व्यवस्थापन गर्न निर्देशन दिएकाले सोही अनुसार सेवा बन्द गर्नुपरेको जनाएको छ।

कुल ३ सय ५० वेड रहेको उक्त अस्पतालमा संक्रमितको उपचारका लागि यसअघि नै ८० बेड आइसोलेसन निर्माण गरि सकिएको छ ।

यता अस्पताल प्रशासनले भने ओपीडी सेवा बन्दबाट सर्वसाधारणमा पर्न जाने असुविधाप्रति दुःख व्यक्त गरेको प्रतिष्ठानका निर्देशक प्रा. डा. भरतबहादुर खत्रीले बताउनुभयो ।।