उपत्यकाको निषेधाज्ञा भोलिदेखि सकिँदै, अबको तयारी के छ ?

काठमाडौं– काठमाडौं उपत्यकामा पछिल्लो पटक जारी निषेधाज्ञा भोलिबाट सकिदैछ ।

निषेधाज्ञाका बारेमा निर्णय लिन आज उपत्यकाका तीन वटै जिल्लाका प्रमुख जिल्ला अधिकारीहरुको बैठक बस्दैछ । बैठक पछि मात्र निषेधाज्ञा थप गर्ने वा कुन(कुन क्षेत्र खुल्न दिने भन्नेबारे निर्णय हुने बताइएको छ ।

अहिले खाद्यान्न र तरकारी पसल बिहान ११ बजेसम्म खोल्न पाइन्छ भने निर्माण सामग्री विक्री गर्ने पसल अपरान्ह ४ बजेपछि खुल्दै आएका छन् । कोरोना संक्रमित घट्दै गए पनि जोखिम भने कायमै रहेकोले संक्रमणको अवस्था हेरेर निर्णय लिइने बताइएको छ ।

यसअघि कोरोना निर्देशक समितिको बैठकले आर्थिक क्षेत्र चलायमान हुने गरी असार दोस्रो सातादेखि स्मार्ट लकडाउन गर्ने निर्णय गरेको थियो।