भूतपूर्व राष्ट्रपति जुमालाई जेल सजाय छुट

अदालतको अवहेलनामा जेल सजायँ काटिरहनु भएका दक्षिण अफ्रिकाका पूर्व राष्ट्रपति ज्याकोव जुमालाई स्वास्थ्य उपचारका लागि प्रतिज्ञामा जेल छुट दिइएको छ ।

७९ वर्षीय पूर्व राष्ट्रपति जुमालाई १५ महिनाको जेल सजायँ तोकिएको थियो ।

जुमाको कस्तो प्रकारको स्वास्थ्य समस्या हो भन्ने स्पष्ट पारिएको छैन । तर उहाँको बाँकी सजायँ भने समुदायमा नै निश्चित मापदण्डमा रहेर पूरा हुने जनाइएको छ ।

जुमा विगत एक महिनादेखि अस्पतालमा उपचाररत हुनुहुन्छ । उहाँको शल्यक्रिया समेत गरिएको बताइएको छ ।

राष्ट्रपति रहेका बेला भ्रष्टाचार गरेको आरोपमा भइरहेको छानविनमा असहयोग गरेको भन्दै गिरफ्तार गर्ने तयारी गरिरहेका बेला पूर्व राष्ट्रपति जुमाले गत जुलाईमा प्रहरी समक्ष आत्म समर्पण गर्नुभएको थियो ।।