प्रदेश १ को मुख्यमन्त्रीमा राजेन्द्रकुमार राई नियुक्त

विराटनगर– प्रदेश १ को मुख्यमन्त्रीमा राजेन्द्रकुमार राई नियुक्त हुनुभएको छ ।

५० सांसदको हस्ताक्षरसहित पाँच दलका बहुमत सांसदको समर्थनबाट नेकपा (एकीकृत समाजवादी) संसदीय दलका नेता राईलाई प्रदेश प्रमुख सोमनाथ अधिकारी ‘प्यासी’ले मुख्यमन्त्री नियुक्त गर्नुभएको हो ।

राईले प्रदेशको तेस्रो मुख्यमन्त्री हुने अवसर पाउनुभएको छ ।

राईलाई मुख्यमन्त्री बनाउन नेपाली कांग्रेसका २१, नेकपा माओवादी केन्द्रका १४, नेकपा एकीकृत समाजवादीका १०, जनता समाजवादी पार्टीका ३ र संघीय लोकतान्त्रिक राष्ट्रिय मञ्चका एक जना गरी ४९ सांसदले हस्ताक्षर गरेका छन् ।

भीम आचार्यले सोमबार पदबाट राजीनामा दिएपछि गठबन्धनका तर्फबाट राई मुख्यमन्त्री हुनुभएको हो ।

नवनियुक्त मुख्यमन्त्री राईले आजै शपथ लिँदै हुनुहुन्छ । गठबन्धन दलका एकरएकजना गरी ५ सदस्यीय मन्त्रिमण्डल गठन गर्ने तयारी भएको छ ।

राई तत्कालिन एमालेबाट प्रदेश सभा सदस्य निर्वाचित हुनुभएको हो ।