कोरोना जोखिममा पनि मकरमेला भर्नेको भिड

काभ्रे- पनौतीको त्रिवेणीघाटमा माघ एक गतेदेखि सुरु भएको १२ वर्षे मकरमेला भर्नेको भिड लागेको छ ।

कोरोना जोखिम कारण सुरु सुरुमा थोरै मात्र भक्तजनहरु मेलामा गएको भएपनि माघ २० यता दैनिक ५० हजारको हाराहारीमा भक्तजनहरु पनौती आउने गरेका मकरमेला मूल आयोजक समितिले जनाएको छ ।

आयोजकका अनुसार बिदाको दिनमा १ लाखभन्दा बढी भक्तजनहरु आउने गरेका छन ।

पनौतीमा मकरमेला भर्न आउने दर्शनार्थीका कारण दिनभरजसो बनेपा पनौती यातायात अस्तव्यस्त रहने गरेको जिल्ला ट्राफिक कार्यालय काभ्रेले जनाएको छ ।

त्रिवेणीघाटमा नुहाएर त्यहाँको जल हत्केलामा राखेर उत्तरपट्टी रहेको कुञ्जगिरी पर्वत अर्थात गोरखनाथडाँडामा रहेको गोरखनाथलाई चढाउनाले ठूलो पुण्य मिल्ने र मनोकांक्षा पूरा हुने जनविश्वास रहेको छ ।।