मेलम्चीको पानी आजदेखि सुरुङमा पठाइयाे

काठमाडौं-मेलम्चीको पानी आजदेखि सुरुङमा पठाइएको छ । मेलम्ची खानेपानी विकास समितिले आजदेखि खानेपानी सुरुङमा हालेको जनाएको हो ।

समितिका सिनियर डिभिजन ईन्जिनियर पदमहादुर कुँवरले सुरुङ र हेडबक्स सफा गर्ने काम सकिएकाले सुरुङमा पानी पठाउन शुरु गरिएको जानकारी दिनुभयो । केही काम बाँकी भए पनि सुरुङ र हेडबक्स सफा गर्ने काम सकिएकाले सुरुङमा पानी पठाइएको हाे ।

केहीबेरमा अम्बाथानमा खानेपानी मन्त्री उमाकान्त चौधरीले पानी सुरुङमा पथान्तरनको उद्घाटन गर्ने मेलम्ची खानेपानी विकास समितिका कार्यकारी निर्देशक वासुदेव पौडेलले जानकारी दिनुभयो । गत असार १ मा आएको बाढीले मेलम्ची खानेपानी आयोजनामा क्षति गरेकाे थियो ।।