प्रधानमन्त्रीले राजिनामा दिनु नपर्ने सत्ता गठबन्धनको निश्कर्ष
काठमाडौं- सत्ता गठबन्धनले प्रधानमन्त्री पुष्पकमल दाहाल प्रचण्डको राजीनामा दिनु नपर्ने निष्कर्ष निकालेको छ ।
प्रधानमन्त्री निवास बालुवाटरमा बसेको गठबन्धनको बैठकले राजिनामा माग्ने प्रमुख प्रतिपक्षी दल नेकपा एमालेको कदम असंसदीय रहेको ठहर गर्दै त्यस बारेमा प्रधानमन्त्रीले प्रतिनिधि सभाको बैठकमा फेस गर्ने निर्णय गरेको छ ।
माओवादी केन्द्रका मुख्य सचेतक हितराज पाण्डेले प्रधानमन्त्री दाहालले संसद्मा आफ्नो अभिव्यक्तिबारे प्रस्ट पार्ने समझदारी बनेको जानकारी दिनु भयो ।
प्रितम सिंहको बारेमा प्रधानमन्त्रीले दिएको अभिव्यक्तिलाइ लिएर बुधबारको प्रतिनिधिसभा बैठक एमाले, रास्वपा र राप्रपाको अवरोधका कारण स्थगित भएको थियो । प्रतिनिधिसभाको अर्को बैठक भोलि बस्दैछ ।-
प्रतिक्रिया राख्नुहोस्