डोल्पामा ट्याक्टर दुर्घटना हुँदा चार जना घाइते
डोल्पा- डोल्पाको त्रिपुरासुन्दरी नगरपालिका १ मा पर्ने नेटाज्युलामा ट्याक्टर दुर्घटना भएको छ । भे १ त ९७८१ नंम्बरको ट्याक्टर दुर्घटना हुँदा चार जना घाइते भएका छन् ।
आज बिहान बालुवा बोकेर पहाडतर्फ जाँदै गरेको ट्याक्टर दुर्घटना भएको प्रहरी चौकी त्रिपुराकोटले जानकारी दिएको छ ।
घाइते हुनेमा त्रिपुरासुन्दरी नगरपालिका १ का १६ बर्षीय हरि कठायत, सोही ठाउँका ३३ बर्षीय लोकमान श्रेष्ठ, १२ बर्षीय शक्तिमान कठायत, १६ बर्षीय कृष्ण सार्की रहेको जिल्ला प्रहरी कार्यालय डोल्पाले जानकारी दिएको छ ।
घाइते सबैको अवस्था मध्यम रहेको र उपचारका लागि जिल्ला अस्पताल पुर्याइएको छ ।
चालक हस्त बहादुर परियारको अबस्था सामान्य छ । चालकलाई नियन्त्रणमा लिएर अनुसन्धान सुरु गरिएको जिप्रका डोल्पाका प्रहरी नायव उपरिक्षक नारायण रञ्जितकारले जानकारी दिनुभएको छ ।
ट्याक्टर सडकबाट करिब १५० मिटर तल खसेर दुर्घटना भएको हो ।।
प्रतिक्रिया राख्नुहोस्