कोरोना संक्रमणबाट ८ जनाको मृत्यु

काठमाडौं– देशभर पछिल्लो २४ घण्टामा ८ जनाको कोरोना संक्रमणबाट मृत्यु भएको छ । मृत्यु भएकामध्ये चार महिला र चार पुरुष छन् ।

स्वास्थ्य तथा जनसंख्या मन्त्रालयका अनुसार काठमाडौंमा सुनसरी, सप्तरी, काभ्रे र कास्कीमा एक–एक जना पुरुषको मृत्यु भएको छ । यसैगरी काठमाडौंमा दुई जना, बारा र कास्कीमा एक–एक जना महिलाको पनि मृत्यु भएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना भाइरसबाट मृत्यु हुनेको संख्या ३७९ पुगेको स्वास्थ्य तथा जनसंख्या मन्त्रालयले जनाएको छ । नेपालमा संक्रमित हुनेहरुमध्ये ०.६५ प्रतिशतको ज्यान गएको छ ।