क्यारेबियन प्रिमियर लिगमा सन्दीपले लिए १ विकेट

काठमाडौं- क्यारेबियन प्रिमियर लिग- सिपिएल टी–ट्वन्टी क्रिकेटको छैटौं खेलमा नेपाली लेग स्पिनर सन्दीप लामिछाने आबद्ध जमैका तलावाज, ट्रीनब्यागो नाइट राइडर्ससँग पराजित भएको छ ।

ब्रायन लारा रंगशालामा सम्पन्न खेलमा जमैका तलाबाज ट्रिनव्यागोसँग ७ विकेटले पराजित भयो । तलाबाजले प्रस्तुत गरेको १३६ रनको लक्ष्य ट्रीनब्यागोले १८ ओभर १ बलमै ३ विकेटको क्षतिमा भेट्याएको थियो ।

तलाबाजका लागि नेपाली लेग स्पीनर सन्दित लामिछानेले १ विकेट लिए ।

यसअघि यी दुई टोलीबीच सीपीएलमा १६ खेल भएको छ जसमध्ये जमैका ९ खेलमा विजयी भयो। लिगको आफ्नो पहिलो खेलमा जमैकाले सेन्ट लुसिया जुक्सलाई ५ विकेटले पराजित गरेको थियो ।

कोरोनाभाइरसका कारण हाल विश्वभर विभिन्न फ्रेन्चाइज क्रिकेट लिगहरू संचालन हुन नसकेको अवस्थामा महामारी देखिएपछि आयोजना भएको सीपीएल पहिलो टी–ट्वान्टी फ्रेन्चाइज लिग हो ।।