२१२० जनामा कोरोना संक्रमण पुष्टि, उपत्यकामा ११७७ जना संक्रमित

काठमाडौं– नेपालमा पछिल्लो २४ घण्टामा २१२० जनामा कोरोना भाइरस (कोभिड १९) संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा १२९७८ जनाको पीसीआर परीक्षण गर्दा २१२० जनामा कोरोना भाइरस संक्रमण पुष्टि भएको हो । नेपालमा कुल संक्रमितको संख्या ८४,५७० रहेको छ ।

यसैबीच, उपत्यकामा मात्रै ११७७ जना संक्रमित भएका छन् । काठमाडौंमा १००१, भक्तपुरमा ६७ ललितपुरमा १०९ जना संक्रमित भए ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा शनिबार प्रवक्ता प्रा.डा. जागेश्वर गौतमले दिएको जानकारी अनुसार पछिल्लो २४ घण्टामा २०४४ जना डिस्चार्ज भएका छन् । संक्रमितमध्ये ७३.६ प्रतिशत निको भएका छन् । अहिलेसम्म डिस्चार्ज हुनेको संख्या ६२७४० रहेको छ ।