विवाद समाधान गर्न गठित एमाले कार्यदलको बैठक आज साँझ पुन: बस्ने

काठमाडौं- पार्टीभित्रको आन्तरिक विवाद समाधान गर्न गठित नेकपा एमाले कार्यदलको सिंहदरबारमा बसेको बैठक भर्खर सम्पन्न भएको छ ।

कार्यदलको बैठक सकारात्मक दिशामा अघि बढेको एमाले विवाद समाधान कार्यदलका संयोजक सुवासचन्द नेम्वाङले जानकारी दिनुभएको छ ।

बैठकपछि पत्रकारहरूसँग कुरा गर्दै नेम्वाङ्ले साँझसम्म ठोस टुंगोमा पुग्ने गरी पुनः बैठकमा बस्ने बताउनुभयाे ।

पछिल्लो समय एमाले कार्यदल सक्रिय भएपछि कार्यदलको बैठक निरन्तर बस्दै आएको छ ।

यसैबीच, हिजो साँझ प्रधानमन्त्री एवम् एमाले अध्यक्ष केपी शर्मा ओली र नेता माधवकुमार नेपालबीचमा प्रत्यक्ष भेटवार्ता भएको थियो ।

कार्यदलका नेताहरुसमेत सम्मिलत भेटवार्ता सकारात्मक भएको र आजसम्ममा छलफल टुंगो लगाउने कार्यदलका नेताहरुले विश्वास व्यक्त गर्नुभएको थियो ।

प्रधानमन्त्री ओली र नेता नेपालबीच हिजो साँझ भएको प्रत्यक्ष वार्तापछि आज कार्यदलको बैठक बसेको थियो ।।