प्रशान्त महासागरमा भएको ज्वालामुखी विष्फोटबाट टोंगा टापुमा ४ जनाको मृत्यु
प्रशान्त महासागरमा भएको ज्वालामुखी विष्फोटबाट टोंगा टापुमा ४ जनाको मृत्यु भएको छ । मृत्यु हुनेमा तीन जना टोंगाकै स्थानीय रहेका छन् भने एक जना बेलायती नागरिक रहेको बताइएको छ ।
ज्वालामुखी विष्फोटका कारण त्यहाँको मुख्य विमानस्थलमा क्षति पुगेपछि पानी जहानबाट उद्दार टोली र राहत सामग्री पुर्याइएको छ । क्षतिग्रस्त टोंगाको मुख्य विमानस्थलमा ज्वालामुखी विष्फोटका कारण जम्मा भएको खरानी सहितको भग्नावेश पन्छाउने काम भइरहेको छ ।
आवश्यक खाद्यान्न र पिउने पानी पुर्याउन मुख्य विमानस्थल उडान भर्न योग्य बनाउन टोली खटिएको छ । ज्वालामुखी विष्फोटले टोंगामा अकल्पनीय क्षति पुर्याएको त्यहाँको सरकारले जनाएको छ ।
गत शनिवार भएको ज्वालामुखी विष्फोट र त्यसले निम्त्याएको सुनामीबाट प्रभावितको सहयोगका लागि न्युजिल्याण्ड र अस्ट्रेलियाले पनि जहाज पठाएका छन् ।
ज्वालामुखी विष्फोटका कारण ग्यास, धुँवा र भग्नावशेष २० किलोमिटर माथि आकाशमा पुगेको थियो । प्रभावित टोंगा टापु पुगेका संयुक्त राष्ट्र संघका प्रतिनिधिले भग्नावशेष पन्छाउन सोचेभन्दा निकै कठिन रहेको बताएका छन् ।।
प्रतिक्रिया राख्नुहोस्