चौँथो हार व्यहोरेको नेपाल उपाधि भिडन्तबाट बाहिरियो

काठमाडौँ- काठमाडौँमा जारी महिला टी-२०आई शृंखलामा नेपालले लगातार चौँथो हार व्यहोरेको छ ।
नेपाल, नेदरल्याण्ड्स र थाइल्याण्ड सम्मिलित महिला टी-२०आई शृंखलाको आफ्नो चौथो खेलमा नेपाल थाइल्याण्डसँग पराजित भएको हो ।
आज थाइल्याण्डसँग ५ रनले पराजित भएसँगै नेपालको उपाधि जित्ने सम्भावना समाप्त भएको छ।
त्रिवि क्रिकेट मैदान कीर्तिपुरमा थाइल्याण्डले दिएको १०७ रनको लक्ष्य पछ्याएको नेपालले २० ओभरमा ८ विकेट गुमाएर १०१ रन मात्र बनाएको थियो ।
अब नेपालले २ खेल खेल्ने छ जहाँ दुबै खेल जिते पनि उपाधि जित्ने सम्भावना भने हुनेछैन ।।
प्रतिक्रिया राख्नुहोस्