तीर्थमानकलीले जन्माएको पोथी छावाको नाम विनम्रकली राखियो

चितवन- हात्ती प्रजनन् केन्द्र खोरसोरमा तीर्थमानकलीले जन्माएको पोथी छावाको वैदिक विधिअनुसार नामकरण गरिएको छ ।

चितवन राष्ट्रिय निकुञ्जका प्रमुख संरक्षण अधिकृत डा.गणेश पन्तले छावाको नाम विनम्रकली राखिएको बताउनुभयो । गत जेठ ३० गते राति यो छावा जन्मिएको थियो ।

यो आर्थिक वर्षमा प्रजनन् केन्द्रमा चार वटा छावा जन्मिएकोमा योमात्रै पोथी रहेको केन्द्रका प्रमुख मनपुरन चौधरीले जानकारी दिनुभयो । २०४४ सालमा स्थापना भएको हात्ती प्रजनन् केन्द्रमा अहिलेसम्म ६७ वटा छावा जन्मिएका छन् ।