विश्वकप क्रिकेटः नेपाललाई दोस्रो सफलता

काठमाडौं- नेपाललाई दक्षिण अफ्रिका विरुद्ध टि- २० विश्वकपको समूह चरणको खेलमा दोस्रो सफलता मिलेको छ ।

नेपालका लागि कुशल भुर्तेलले विकेट लिएका हुन् । ऐडन मार्क्रम १५ रन बनाएर आउट भए । दक्षिण अफ्रिकाले ११.२ ओभरमा २ विकेटको क्षतिमा ६८ रन बनाएको छ ।

यसअघि अलराउन्डर दीपेन्द्रसिंह ऐरीले दक्षिण अफ्रिकी ओपनर क्विन्टन डि ककको महत्वपूर्ण विकेट लिएका थिए ।

उनले चौथो ओभरको चौथो बलमा आफैले डि ककको क्याच लिएका थिए । डि कक ११ बलमा १० रन बनाउँदै बाहिरिएका हुन् ।