सडकमा पल्टियो यात्रुवाहक बस ,८ जना सामान्य घाइते

काभ्रेपलान्चोक-  बिपी राजमार्ग अन्तरगत नमो बुद्ध नगरपालिका–६ चौकी डाँडामा रामेछापको सुन पातीबाट काठमाडौँतर्फ आउँदै गरेको यात्रुवाहक बस (गा.प्र. ०३–००१ ख २५२६) दुर्घटना भएको छ। चालक हीरा काजी श्रेष्ठले चलाएको उक्त बस अनियन्त्रित भई सडकमा पल्टिएको प्रहरीले जनाएको छ। बसमा करिब ३० जना यात्रु सवार रहेकामा ८ जना सामान्य घाइते भएका छन्।

घाइतेहरूलाई तत्काल उद्धार गरी नमो बुद्ध नगरपालिका–४ स्थित मेथिनकोट अस्पतालतर्फ पठाइएको इलाका प्रहरी कार्यालयले जानकारी दिएको छ।

दुर्घटनाका कारण बिपी राजमार्ग दुवै तर्फ अवरुद्ध रहेको र यातायात सुचारु गर्न प्रहरी टोली खटिएको प्रहरीले जनाएको छ।थप विवरण आउन बाँकी छ।