‍पाकिस्तानसँग नेदरल्यान्ड्स ३ विकेटले पराजित

काठमाडौँ- आईसीसी पुरुष टी–२० विश्वकप क्रिकेटको १० औं संस्करण आजदेखि भारत र श्रीलङ्कामा संयुक्त रूपमा सुरु भएको छ। विश्वकपको पहिलो दिनको पहिलो खेलमा पाकिस्तानले विजयी सुरुवात गरेको छ । श्रीलङ्काको कोलम्बोमा भएको प्रतियोगिताको उद्घाटन खेलमा समूह ‘ए’ अन्तर्गत पाकिस्तानले नेदरल्यान्ड्सलाई ३ विकेटले हराउदै जित निकालेको हो ।

कोलम्बोस्थित सिन्हालीज स्पोर्ट्स क्लब एसएससी मैदानमा १ सय ४८ रनको लक्ष्य पछ्याएको पाकिस्तानले १९ दशमलव ३ ओभरमा ७ विकेटको क्षतिमा लक्ष्य पूरा गर्‍यो । अहिले दोस्रो खेलमा समूह ‘सी’ का दुई टोली स्कटल्यान्ड र वेस्ट इन्डिजबीचको प्रतिस्पर्धा कोलकातामा जारी छ । आजको तेस्रो खेलमा आयोजक भारत र अमेरिकाबीच प्रतिस्पर्धा हुँदैछ।

मुम्बईको ऐतिहासिक वाङ्खडे स्टेडियममा हुने यो खेल नेपाली समयअनुसार साँझ ७:१५ बजे सुरु हुनेछ । समूह ‘सी’ मा रहेको नेपालले भोलि आफ्नो पहिलो खेलमा इंग्ल्यान्डको सामना गर्दै विश्वकप यात्राको सुरुआत गर्नेछ ।।