संविधानविरुद्धको कामबारे जनतालाई सुसूचित गरेको हुँ- प्रचण्ड

काठमाडौं- अदालतको अवहेलना सम्वन्धी मुद्दामा नेपाल कम्युनिस्ट पार्टी नेकपा प्रचण्ड-नेपाल समुहका अध्यक्ष पुष्पकमल दाहाल ‘प्रचण्ड’ले आज सर्वोच्च अदालतमा लिखित जवाफ बुझाउनु भएको छ ।

अदालतको अवहेलना सम्वन्धी मुद्दामा उहाँले आफै उपस्थित भएर लिखित जवाफ पेश गर्नु भएको हो ।

सर्वोच्च अदालतमा लिखित जवाफ पेश गर्दै प्रचण्डले आफूले सार्वजनिक सभामा मुद्दाका विषयमा बोलेको नभइ संविधानविरुद्धको कामबारे जनतालाई सुसूचित गराउने र आफ्नो धारणा व्यक्त गर्ने काम गरेको बताउनु भएको छ।

अदालतलाई धम्क्याएको भन्दै अधिवक्ता समीर हायुले अध्यक्ष प्रचण्ड बिरुध्द अवहेलना मुद्दा दर्ता गर्नु भएको थियो ।।