सवारी दुर्घटनामा एक जनाको मृत्यु, ५ जना घाइते

बुटवल- रुपन्देहीको सैनामैनामा भएको सवारी दुर्घटनामा परि एक जनाको मृत्यु भएको छ भने ५ जना घाइते भएका छन् । सैनामैना-१ बनकट्टामा भएको सवारी दुर्घटनामा परी प्युठान स्वर्गद्वारी नगरपालिका-६ का होमबहादुर घर्तिमगरको मृत्यु भएको ट्राफिक प्रहरी कार्यालय बुटवलले जनाएको छ ।

बुटलदेखि पश्चिमतर्फ जाँदै गरेको लु २ च २०२१ नम्बरको पिकअप जिपलाई विपरित दिशाबाट आउँदै गरेको लु १ ख ४७९५ नम्बरको ट्रकले ठक्कर दिँदा प्युठान स्वर्गद्वारी नगरपालिका-६ का चार जना र दाङ राप्ति गाउपालिका १ का गम्भीर घाईते भएका छन् ।

घाइतेहरुको लुम्बिनी प्रादेशिक अस्पताल बुटवलमा उपचार भैरहेको छ । ट्रक तथा चालकलाई नियन्त्रणमा लिएर थप अनुसन्धान जारी रहेको ट्राफिक प्रहरीले जनाएको छ ।-