हाइटी भूकम्पमा मृत्यु हुनेको संख्या १३ सय पुग्यो

हाइटी– हाइटीमा गएको शक्तिशाली भूकम्पमा परी मृत्यु हुनेको संख्या करिब १३ सय पुगेको छ ।

शनिबार गएको ७ दशमलब २ म्याग्निच्युडको भूकम्पले ठूलो मात्रामा घर, चर्च, विद्यालय भवन र अस्पताल भत्किएका छन् । भग्नावशेषमा पुरिएकाहरुको खोज तथा उद्दार कार्य जारी छ ।

घटनामा परी कयौं मानिसहरु हराइरहेका छन् । हालसम्म ५ हजार ७ सयभन्दा बढी घाइते भएको तथ्यांक छ । खोज तथा उद्दार कार्य जारी रहेकाले घाइते र मृतकहरुको संख्या बढ्न सक्ने अधिकारीहरुले बताएका छन् ।