हुम्लामा तीन लाख मूल्य बराबरको मदिरा नष्ट

हुम्ला- दुई छुट्टाछुट्टै स्थानमा प्रहरीले मदिरा बरमद गरी नष्ट गरेको छ । सिमकोट गाउँपालिका वडा नम्बर ५ को शिव मन्दिर क्षेत्र र वडा नम्बर ६ को लाग्नामा बेसारिसे रुपमा राखिएको मदिरा प्रहरीले बरामद गरी नष्ट गरेको हो ।

फरक-फरक स्थानमा गस्ती गएको प्रहरीले चिनिया मदिरा र स्थानीय मदिरा बरामद गरी सार्वजनिक रुपमा नष्ट गरेको प्रहरी निरिक्षक सितारामले विष्टले जानकारी दिनुभयो ।

लाग्नामा भेटिएको चिनिया मदिरा ३८ कार्टुन रहेको र त्यसका मुल्य दुई लाख ७३ हजार र शिव मन्दिर क्षेत्रमा भेटिएको स्थानीय मदिरा १ सय ४० लिटरको मुल्य ४२ हजार रहेको जिल्ला प्रहरी कार्यालय हुम्लाले जनाएको छ । जिल्ला प्रहरी कार्यालय हुम्लाले बरामद गरिएको मदिरा सिमकोट गाउँपालिका वडाको रोहबरमा मदिरा नष्ट गरेको हो ।-