राष्ट्रिय जनगणना-२०७८ को प्रारम्भिक तथ्याङक आज सार्वजनिक गरिंदै

काठमाडौं- राष्ट्रिय जनगणना-२०७८ को प्रारम्भिक तथ्याङक आज सार्वजनिक गरिंदै छ ।

केन्द्रीय तथ्याङक विभागले राष्ट्रिय जनगणनाको प्रारम्भिक तथ्याङक आज दिउसो भर्च्युअल माध्यमबाट सार्वजनिक गर्ने तयारी गरेको हो । विभागका अनुसार मुख्य प्रश्नावलीमा उल्लिखित विवरणका आधारमा प्रारम्भिक नतिजा सार्वजनिक गर्न लागिएको हो ।

प्रारम्भिक नतिजामा नेपालमा जम्मा परिवार संख्या, महिला र पुरुषसहित जम्मा जनसंख्या र विदेशमा रहेका नेपालीको जनसंख्या जस्ता विवरणहरु सार्वजनिक गरिने छ । यसैगरी लिंगको आधारमा महिला र पुरुषको मात्र संख्या सार्वजनिक गरिनेछ । राष्ट्रिय जनगणनाको सम्पूर्ण र विस्तृत तथ्याङक भने सार्वजनिक गर्न अझै केही महिना लाग्ने विभागले जनाएको छ ।

गत भदौ ३० गतेदेखि असोज १८ सम्म घर तथा घर–परिवारको सूचीकरण गरिएको थियो भने कात्तिक २५ देखि मंसिर ९ गतेसम्म मुख्य जनगणनाको काम गरिएको थियो ।