मुस्लिम समुदायको उत्थानमा सहयोग गर्न अध्यक्ष अन्सारीद्वारा स्थानीय तहलाई आग्रह

सप्तरी– मुस्लिम आयोगका अध्यक्ष समिम मियाँ अन्सारीले मुस्लिम समुदायको उत्थानमा सहयोग गर्न स्थानीय तहका जनप्रतिनिधिलाई आग्रह गर्नुभएको छ ।

सप्तरीमा बुधबार भएको ‘मुस्लिम समुदायको हकहित अभिवृद्धिका लागि सरोकारवालासँगको अन्तर्क्रिया’ कार्यक्रममा अध्यक्ष अन्सारीले आयोग स्थानीय तहसँग हातेमालो गर्न तयार रहेको पनि बताउनुभयो ।

अध्यक्ष अन्सारीले जनतासँग प्रत्यक्ष जोडिएको स्थानीय तहको सक्रियता मात्रै सबै जातजाति, धर्म र लिंगका नागरिकको उत्थान र विकास सम्भव भएको उल्लेख गर्नुभयो । उहाँले मदरशा, कब्रिस्तानलाई व्यवस्थित बनाउन पनि अपिल गर्नुभयो ।

कार्यक्रममा कञ्चनरुप नगरपालिकाका मेयर वसन्त मिश्रलगायतले धारणा राख्नुभएको थियो ।