नेपाली काँग्रेस गण्डकी प्रदेश संसदीय दलको नेतामा पाण्डे विजयी

काठमाडौँ- नेपाली कांग्रेस गण्डकी प्रदेश संसदीय दलको नेतामा सुरेन्द्र पाण्डे विजयी हुनुभएको छ ।  पाण्डे कांग्रेस केन्द्रीय सदस्य पनि हुनुहुन्छ ।

सभापति शेरबहादुर देउवा निकट मानिनुहुने पाण्डेले १८ मत ल्याउँदा उहाँका अर्का  प्रतिश्पर्धी भोजराज अर्यालले ८ मत पाउनुभएको थियो ।

काँग्रेस गण्डकी प्रदेश संसदीय दलको निर्वाचनमा १ मत बदर भएको छ । गण्डकी प्रदेशमा कांग्रेसका २७ जना सांसद छन्।

गत चुनावमा पाण्डे गोरखा २ को प्रदेश सभा (ख) बाट निर्वाचित हुनुभएको थियो ।।