नेपाल सुपर लिग एनएसएल फुटबलको दोस्रो संस्करण भोलिदेखि शुरु हुँदै

नेपाल सुपर लिग एनएसएल फुटबलको दोस्रो संस्करण भोलिदेखि काठमाडौमा शुरु हुँदैछ । प्रतियोगिताको सम्पूर्ण तयारी सकिएको आयोजकले जानकारी दिइएको छ ।  दशरथ रंगशालामा हुने प्रतियोगिताका खेलहरुमा सबै टोलीले एक अर्काविरुद्ध खेलेपछि शीर्ष दुई टोलीले क्वालिफायर र तेस्रो र चौथो टोलीले इलिमिनेटर खेल्ने छन् ।

लिगमा देशका नौ टोलीको सहभागिता रहनेछ । दोस्रो संस्करणको नेपाल सुपर लिग फ्रेञ्चाइज फुटबल प्रतियोगिताको एक महिना सम्म चल्नेछ । एनएसएलमा काठमाडौं रेजर्स, ललितपुर सिटी एफसी, एफसी चितवन, पोखरा थण्डर्स, बुटवल लुम्बिनी एफसी, धनगढी एफसी र तीन नयाँ टोली झापा एफसी, वीरगञ्ज युनाइटेड र स्पोर्टिङ इलाम डि मेची सहभागी हुनेछन्।

सबै टिमले लिग चरणमा एकआपसमा खेलेपछि चार टिम प्लेअफमा पुग्नेछन । २०७७ सालमा भएको पहिलो सस्करणको उपाधि काठमाडौं रेजर्सले जितेको थियो ।।