सुपर लिगमा आज वीरगञ्ज युनाइटेड फुटबल क्लब र झापा फुटबल क्लबबीच प्रतिस्पर्धा हुँदै

काठमाडाै- नेपाल सुपर लिगमा आज वीरगञ्ज युनाइटेड फुटबल क्लब र झापा फुटबल क्लबबीच प्रतिस्पर्धा हुँदैछ । यो खेल साँझ ५ बजदेखिे दशरथ रंगशालमा सुरु हुनेछ । यी दुई टोली एक आपसमा भिड्दा दुवैको एउटै लक्ष्य एनएसएलमा पहिलो जित निकाल्नु हुनेछ ।

अन्तिम दुई स्थानमा रहेका झापा र वीरगञ्ज दुवैको लागि यो चौथो खेल हो । तीन खेल खेलिसक्कदा दुवै टोली जितविहीन छन् । झापा २ अंकसहित आठौं र वीरगञ्ज १ अंकसहित नवौँ स्थानमा छन् ।

पहिलो खेलमा स्पोर्टिङ इलामसँग पराजित भएको झापाले त्यसपछि पोखरा थण्डर्स र काठमाडौं रेजर्ससँग बराबरी खेलेको थियो । वीरगञ्ज धनगढी एफसी र एफसी चितवनसँग पराजित भएको थियो ।

पछिल्लो खेलमा ललितपुर सिटी एफसँग बराबरी खेल्दै वीरगञ्जले पहिलो एक अंक जोडेको थियो ।।