गुल्मीमा राष्ट्रिय स्तरको ब्याडमिन्टन प्रतियोगिता सुरु

गुल्मी – गुल्मी जिल्लाकाे सदरमुकाम तम्घासमा राष्ट्रिय स्तरको खुल्ला ब्याडमिन्टन प्रतियोगिता सुरु भएको छ । जिल्ला ब्याटमिन्टन संघ गुल्मीको आयोजनामा पहिलोपटक राष्ट्रिय स्तरको प्रतियोगिता सुरु भएको हो ।
प्रतियोगितामा खुल्ला पुरुष डबल, ३५ प्लस भेन्ट्रान्स, ४५ प्लस भेन्ट्रान्स, ५५ प्लस सुपरभेन्ट्रान्स, खुल्ला पुरुष एकल, खुल्ला पुरुष ग्रेड बी र खुल्ला महिला डबल समुह गरि प्रतियोगिता हुनेछन् ।
ब्याडमिन्टन प्रतियोगितामा देशभरबाट १०० बढी समुह सहभागि भएका छन् । पछिल्लो समय गुल्मीमा ब्याडमिन्टन खेलप्रति आकर्षण बढदै गएको छ । गुल्मीलाई ब्याडमिन्टन खेलका माध्यमबाट राष्ट्रभर परिचित गराउने उदेश्यले प्रतियोगिता आयोजना गरिएको जिल्ला ब्याडमिन्टन संघ गुल्मीका अध्यक्ष नवराज श्रेष्ठले बताउनुभयो ।
जिल्लामा राष्ट्रिय स्तरको ब्याडमिन्टन प्रतियोगिता भएका थिएनन् । प्रतियोगितामा देशका विभिन्न ठाउँबाट खेलाडीहरु आएसँगै तम्घास बजारमा चहलपहल समेत बढेको छ । प्रतियोगिता चैत ११ गतेसम्म चल्नेछ ।