काठमाडौं उपत्यकामा ९ सय ३४ सहित १ हजार ५१३ जना नयाँ संक्रमित

काठमाडौं- नेपालमा पछिल्लो २४ घण्टामा १ हजार ५ सय १३ जना कोरोना भाइरसको नयाँ संक्रमित थपिएका छन । यो संख्या पछिल्लो २४ घण्टामा परिक्षण गरिएको १० हजार ८ सय ९१ जनाको पीसीआर रिपोर्टमध्येको हो ।

र यही अबधीमा ७ सय ३१ जना कोरोना भाइरसबाट संक्रमण मुक्त भएका छन ।

स्वास्थ्य मन्त्रालयमा आज आयोजित नियमित प्रेस व्रिफिङमा मन्त्रालयका प्रवक्ता प्रा. डा. जागेश्वर गौतमले दिनुभएको जानकारी अनुसार पछिल्लो २४ घण्टामा नेपालमा १० हजार ८ सय ९१ जनाको पीसीआर परिक्षण गरिएको जानकारी दिनुभयो ।

आज काठमाडौं उपत्यकामा मात्र ९ सय ३४ जना नयाँ संक्रमित थपिएका छन । यी मध्ये काठमाडौं जिल्लामा मात्र ७ सय ४७, ललितपुरमा १सय १४ र भक्तपुरमा ७३ जना नयाँ संक्रमित थपिएका छन ।

अब देशभर सक्रिय संक्रमितहरुको संख्या २० हजार ३९६ पुगेको छ ।

नेपालमा देशभर ५ हजार ७ सय ७८ जना क्वारेन्टिनमा रहेका र २ सय १३ जना आइसीयूमा रहेको जानकारी प्रवक्ता गौतमले दिनुभयो ।

यसैगरी देशभरमा जम्मा ३४ जना भेन्टिलेटरमा उपचाररत छन ।

यसैगरी, देशभर संस्थागत आइसोलेशनमा ९ हजार ६८९ जना र होम आइसोलेशनमा १० हजार ७ सय ७ जना रहेका प्रवक्ता जानकारी दिनुभयो।।