बैकल्पिक राजमार्ग- लाँकुरी भञ्याङ-चौकी डाँडा सडकको काममा तिब्रता
काभ्रे- लाँकुरीभज्याङ–कुशादेवी–पनौती–नमोबुद्ध–चौकी डाँडा सडक निर्माणले यतिखेर तिव्रता पाएको छ ।
ललितपुर जिल्लाको ग्वार्को हुँदै काभ्रेजिल्लाको चौकी डाँडाको बीपी राजमार्ग जोडिने यो सडक बैकल्पिक मार्गको रुपमा निर्माण गरिएको हो ।
संघीय सरकारको समपुरक बजेटबाट सञ्चालितआयोजनाबाट निर्माण भइरहेको सो आयोजनालाई काठमाडौंबाट बाहिरिने र उपत्यका भित्रिने महत्वपूर्ण मार्गको रुपमा लिएको प्रदेश नीति तथा योजनाआयोगले जनाएको छ ।
बागमती प्रदेश आर्थिक मामिला तथा योजना मन्त्रालय र भौतिक पूर्वधार विकास मन्त्रालयबाट करिब ६१ करोड विनियोजन भई निर्माण कार्य भइरहेको यो सडकखण्डको र्यालेदेखि दाहालटारसम्मको १६ किलोमिटरको स्तर उन्नती कार्य भइरहेको छ ।
यो सडक सञ्चालनमा आएपछि अरनिको र विपी राजमार्गमा सवारी चाप कम हुनेछ । जसले सडक खण्डको नमोबुद्ध नगरपालिका वडा न ९, १० र ११ का बासिन्दा, रोशीगाउँपालिकाका १, २, ३, ४ र ५ नम्बर वडाका बासिन्दालाई सहज हुने भएको छ ।
नेपाल सरकारले १२८ बैकल्पिक राजमार्ग बनाउँदै छ । यो सडक पनि बैकल्पिक राजमार्ग अन्तर्गत निर्माण भइरहेको हो ।
जिल्ला कै तेस्रो ठूलो सडकको रुपमा निर्माण भइरहेको सडक ११ मिटर चौडाईको हुनेछ ।।
प्रतिक्रिया राख्नुहोस्