२४ घण्टामा ७७ जना कोरोना संक्रमित, १०६ जना संक्रमणमुक्त

काठमाडौं– नेपालमा आज थप ७७ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा २१६१ जनाको गरिएको पीसीआर परीक्षणमा ७७ जनामा संक्रमण पुष्टि भएको हो ।

गत २४ घण्टामा १०६ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ७१ हजार ९ सय २१ जना छन् । नेपालमा निको हुने दर ९८ दशमलव ६ प्रतिशत रहेको छ ।

कोरोना संक्रमणबाट नेपालमा गत २४ घण्टामा एक जनाको पनि निधन भएन । हालसम्म कोरोनाबाट मृत्यु हुनेको संख्या ३०१६ रहेको छ ।

गत २४ घण्टामा काठमाडौंमा ३४, भक्तपुरमा २ र ललितपुरमा ६ गरी उपत्यकामा ४१ जनामा कोरोना संक्रमण पुष्टि भएको मन्त्रालयले जनाएको छ ।