उत्तरी गोरखामा खाद्यान्न अभाव
गोरखा-गोरखा जिल्लाको उत्तरी सिमा तिब्बतसँग जोडिएको छेकम्पारको प्रमुख दुई नाका ङुइला र थाप्ला तथा सामागाउँको रुइला नाका अहिले पनि बन्द छ ।
कोभिडको कारण देखाई चीन सारकारले बन्द गरेको नाका अझै खुलेको छैन ।
एकातिर लगातार वर्षादको कारणले गर्दा उत्तरी गोरखा जाने बाटो बिग्रिएको छ भने अर्कोतर्फ नाका बन्द हुनाले यातायात र खानेकुरा ढुवानीमा समस्या परेको छ। तलबाट आतेजाते गर्ने बाटो नहुँदा स्थानीयल धेरै सास्ती खेप्नु परेको छ ।
प्राकृतिक विपदले पुर्याएको क्षतिले पनि यस भेगका बासिन्दा उत्तिकै प्रताडित भएका छन । झन नाका बन्द हुँदा त चुमनुब्रीको बासिन्दालाई खानेकुराको समेत समस्या भएको छ।
खाद्यान्न संकट आउनसक्ने अवस्थामा पुग्दा पनि जनप्रतिनिधिले खासै वास्ता नगरेको स्थानीयको गुनासो छ।।
प्रतिक्रिया राख्नुहोस्