नेपालको चीनसँग जोडिएको रुइला नाका बन्द

गोरखा- गत साउन ५ गतेदेखि खुल्ला गरिएको रुइला नाका अर्को एक बर्षसम्मका लागि बन्द गरिएको छ ।

बर्षमा एकपटक एक महिनाका लागि खुल्ला गरिने सो नाका गत सोमबारदेखि पुन: बन्द गरिएको हो । नाका बन्द गर्ने दिन सोमबार चिनियाँ र नेपाली सीमा सुरक्षा बलले संयुक्त रुपमा गस्ती गरेका थिए ।

त्यसपछि चिनियाँ सुरक्षा अधिकारी, नेपालतर्फको सशस्त्र प्रहरीको बिओपी तथा जनप्रतिनिधिहरु र साम्दाको स्थानीयबासी बीच अन्तरक्रिया कार्यक्रम पनि आयोजना गरिएको थियो ।

सो कार्यक्रममा बोल्दै दुबै पक्षले दुबै देशको हितलाई ध्यानमा राखी सिमा क्षेत्रमा अवान्छित गतिविधि हुन नदिने प्रतिवद्धता गरिएको थियो ।

साथै, सामागाउँ र साम्दोका स्थानीयले हरेक बर्ष नाका खुलाउँदा कम्तिमा एक महिना अघि सूचना दिन अनुरोध गरेका थिए ।।