हुम्लामा पहिरोमा पाँच जनाको मृत्यु

हुम्ला– हुम्लामा अबिरल वर्षाका कारण ५ जनाको मृत्यु भएको छ ।

चंखेली गाउँपालिका–६ मेल्छाममा एकै घरका ४ जना र ताजाँकोट गाउँपालिका –४ मा एक जना गरि ५ जनाको मृत्यु भएको हो ।

चंखेली गाउँपालिका– ६ का एकै घरका ५६ वर्षीय तुल्सी बिक, ५ वर्षीय वसन्त बिक, ९ वर्षीया सुस्मिता बिक, ७ वर्षीय होईजाली बिकको मृत्यु भएको मेल्छाम प्रहरीले जनाएको छ ।

४२ वर्षका देउचे बिक २८ वर्षीया उनकी श्रीमती अवकति बिक ११ वर्षीय छोरी निरू बिक १३ वर्षीया ममता बिक र एक वर्षको छोरा घाइते भएको मेल्छाम प्रहरी चौकीले बताएको छ ।

यसैबीच प्रमुख जिल्ला अधिकारी सीता परियारको अध्यक्षतामा जिल्ला विपद् व्यवस्थापन समितिको अध्यक्षतामा आपतकालीन बैठक बोलाइएको छ ।