तनहुँ मतगणना अपडेटः रास्वपाका डा. वाग्लेको अग्रता कायमै

तनहुँ- आइतबार सम्पन्न तनहुँ क्षेत्र नं १ को प्रतिनिधिसभा सदस्य उपनिर्वाचनको मतगणनामा राष्ट्रिय स्वतन्त्र पार्टी (रास्वपा) डा स्वर्णिम वाग्लेले ५७ सय भन्दा बढी मतान्तरले अग्रता लिनुभएको छ ।

आइतबार राति ११:४५ बजेदेखि मतगणना सुरु भएकामा दिउँसो पौने दुइ बजेसम्मको नतिजाअनुसार उहाँले झण्डै ५७ सय  बढीको मतान्तरले अग्रता लिनुभएको हो ।

पछिल्लो मतपरिणाम अनुसार डा वाग्लेले १३ हजार ७ सय ४९ प्राप्त गर्नुभएको छ । नेपाली कांग्रेसका गोविन्द भट्टराईले ८ हजार ३६ मत प्राप्त गर्नुभएको छ भने नेकपा एमालेका सर्वेन्द्र खनालले ४ हजार ३ सय ९४ मत प्राप्त गर्नुभएको छ ।