आईसीसीले पठायो नेपाली क्रिकेट खेलाडीको एक वर्षको तलब

काठमाडौं- अन्तर्राष्ट्रिय क्रिकेट परिषद आईसीसीले नेपाली राष्ट्रिय क्रिकेट टिमका खेलाडीको रोकिएको एक वर्षको तलब पठाएको छ । आईसीसीले आज एक वर्षको तलब नेपाल क्रिकेट संघ क्यानको खातामा पठाएको क्यानले जनाएको छ ।

नेपाली टिमका २२ खेलाडी र १ जना भिडियो एनालिस्ट गरी २३ जनाको तलब पठाएको हो । यसपटक विगतमा भन्दा मासिक १० हजार रुपैयाँ बढेर ए ग्रेडका खेलाडीले मासिक ४५ हजार, बी ग्रेडकाले ३५ हजार र सी ग्रेडकाले ५ हजार रुपैयाँको दरले तलब पाउनेछन् ।

गत हप्ता आइसीसीको निर्देशन अनुसार नेपाल क्रिकेट संघ क्यानले आइसीसीको सूचीमा रहेका खेलाडीको हस्ताक्षर गरेर पठाएको थियो ।-