२४ घण्टामा ५३४ जना कोरोना संक्रमित

काठमाडौं– नेपालमा आज थप ५३४ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६००० जनाको गरिएको पीसीआर परीक्षणमा ५३४ जनामा संक्रमण पुष्टि भएको हो ।

गत २४ घण्टामा ४४७ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ५२ हजार ३ सय ५९ जना छन् । नेपालमा निको हुने दर ९६ दशमलव ८ प्रतिशत रहेको छ ।

कोरोना संक्रमणबाट थप ९ जनाको मृत्यु भएको छ । अहिलेसम्म मृत्यु हुनेको संख्या १८५६ रहेको छ ।