ट्रम्प समर्थकहरुद्वारा क्यापिटल भवनभित्रै छिरेर हंगामा, १ जनाको मृत्यु
अकेरिका- राष्ट्रपतिको कार्यकाल सकिनै लाग्दा राष्ट्रपति डोनाल्ड ट्रम्पका समर्थकहरू क्यापिटल भवनमा अचानक प्रवेश गरी आक्रमण गर्दा एक जनाको मृत्यु भएको छ ।
अमेरिकी कङ्ग्रेसमा सांसदहरूले जो बाइडनको जितको पुष्टि गर्न छलफल गरिरहेका बेला ट्रम्प समर्थकहरुले हङ्गामा गरेका हुन् ।
सदनमा बहस चलिरहेकै बेला अचानक ट्रम्प समर्थकहरू क्यापिटल भवनभित्र प्रवेश गरेका थिए। त्यसपछि बहस रोक्नु परेको थियो।
ट्रम्प समर्थकहरू चुनावी परिणाम रद्द गर्न माग गर्दै प्रदर्शनमा उत्रिएका थिए । हिंसा बढेपछि जो बाइडनले जित हासिल गरेको घोषणा गर्ने सम्बन्धी बहस हाललाई रोकिएको छ ।
तर अमेरिकी संसद कँग्रेसले आजै राति यस विषयमा छलफल गरी टुंग्याउने जनाइएको छ ।
पर्याप्त आधार र समर्थन विना नै रिपब्लिकनहरुले केही राज्यहरूमा निर्वाचनको नतिजा उल्टाउने खोजेका थिए ।
नव निर्वाचित राष्ट्रपति निर्वाचित जो बाइडनले हिंसात्मक गतिविधिमा संलग्न आफ्ना समर्थकहरुलाई तत्काल हटाउन ट्रम्पलाई आग्रह गर्नुभएको छ ।
राष्ट्रपति ट्रम्पले आफ्ना हिंस्रक समर्थकहरूलाई घर जान आह्वान गरेपनि चुनाव चोरी भयो भन्दै झुटो दाबी भने दोहोर्याउनु भएको थियो ।
यसैबीच अमेरीकाको माथिल्लो सदन सिनेटमा पनि डेमोक्र्याटिक पार्टीको बहुमत भएको छ । जर्जियामा हालै घोषणा गरिएको निर्वाचनमा दुवै सिटमा डेमोक्र्याटिक उमेद्वार विजयी भएका छन ।।
प्रतिक्रिया राख्नुहोस्