इलाम २ मा एमाले उम्मेदवार सुहाङ नेम्वाङको अग्रता
काठमाडौँ- इलाम- २ मा शनिवार सम्पन्न उपनिर्वाचनको मतगणना जारी छ । पछिल्लो मतपरिणाम अनुसार नेकपा एमालेका उम्मेदवार सुहाङ नेम्वाङले अग्रता लिनुभएको छ ।
यसअघि सम्म काँग्रेसका उम्मेदवार डम्मर खड्काले अग्रता लिइरहनु भएको थियो । पछिल्लो मतपरिणाम अनुसार एमालेका उम्मेदवार नेम्वाङले २ हजार ५४२ मत पाउनु भएको छ भने काँग्रेसका खड्काको २ हजार १९७ मत प्राप्त गर्नु भएको छ ।
यस्तै पहिचानवादी साझा स्वतन्त्र उम्मेद्वार डकेन्द्रसिंह थेगिमले ५९३ मत पाउँदा रास्वपाका मिलन लिम्बुले ३ सय ७९ मत ल्याउनु भएको छ ।
फाकफोक थुम गाउँपालिकामा चार वटा वडाको मतगणना सकिएको छ। बिहान ११ बजेदेखि सुरु गर्ने भनिए पनि केही १२ बजेबाट मत गणना सुरु भएको हो ।
इलाम-२ का एक लाख १५ हजार ८८९ मतदातामध्ये ६९ हजार २८७ मतदाताले शनिबारको उपनिर्वाचनमा मतदान गरेका थिए ।
इलाम क्षेत्र नम्बर २ का १ लाख १५ हजार ८८९ मतदातामध्ये ६९ हजार ४ सय २१ मतदाताले शनिबारको उपनिर्वाचनमा मतदान गरेका थिए ।
प्रतिक्रिया राख्नुहोस्