हात्तीले लियो माउतेको ज्यान

चितवन– चितवनमा हात्तीको आक्रमणबाट एक जना माउतेको मृत्यु भएको छ।

शनिबार दिउँसोको समयमा चितवन राष्ट्रिय निकुञ्ज भित्र हात्ती चराउन जाने क्रममा हात्तीका माउते चन्द्रपुर गैडाटार घर भई हाल रत्ननगर नगरपालिका ६ बस्दै आएका ३६ बर्षीय हंसराज कुँवरलाई सोही हात्तीले आक्रमण गरेको हो । जिल्ला प्रहरी कार्यालय चितवनका अनुसार घटना दिउँसो करिव ३ बजेको हो।

कुँवरले एन पी एन संघको पालुवा हात्तीमा माउतेको रुपमा काम गर्दै आएका थिए । उनको घटनास्थलमा नै मृत्यु भएको प्रहरीले जनाएको छ ।