२४ घण्टामा ९६ जना कोरोना संक्रमित

काठमाडौं– नेपालमा आज थप ९६ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३५४१ जनाको गरिएको पीसीआर परीक्षणमा ९६ जनामा संक्रमण पुष्टि भएको हो ।

गत २४ घण्टामा १११ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६९ हजार ५ सय ५ जना छन् । नेपालमा निको हुने दर ९८ दशमलव ७ प्रतिशत रहेको छ ।

कोरोना संक्रमणबाट गत २४ घण्टामा थप दुई जनाको मृत्यु भएको छ । अहिलेसम्म मृत्यु हुनेको संख्या भने २०५८ रहेको छ ।

गत २४ घण्टामा काठमाडौं उपत्यकामा ४२ जना संक्रमित भएका छन् । तीमध्ये काठमाडौंमा ३०, भक्तपुरमा ३ र ललितपुरमा ९ जना संक्रमित थपिए ।