लिगको पहिलो खेलमा पोखरा र झापाबीच १-१ गोलको बराबरी

काठमाडौं – नेपाल सुपर लिग फुटबल प्रतियोगिता अन्तरगत आज भएको पहिलो खेलमा पोखरा थन्डर्स र झापा एफसीले १-१ गोलको बराबरी खेल्दै अङ्क बाँडेका छन् ।

दशरथ रंगशालामा भएको आजको पहिलो खेलमा १-० गोलले पछि परेको अवस्थामा सम्हालिदै झापाले अन्तिम समयमा गोल गर्न सफल भयो र खेल बराबरीमा सकियो । यो बराबरीसंगै दुबै टोलीले १-१ अङ्क बाँडेका छन् । पहिलो खेलमा एफसी चितवन विरुद्ध जित निकालेको र दोस्रो खेलमा ललितपुर एफसी विरुद्ध गोलरहित बराबरी खेलेको पोखराले आजको खेलसंगै पाँच अङ्क बनाएको छ ।

पहिलो खेलमा स्पोर्टिङ इलामसंग पराजय ब्यहोरेको झापाले भने आजको खेलसंगै महत्वपूर्ण एक अङ्क जोडेको छ । यसैगरी आजै दोस्रो खेलमा बलियो मानिएका धनगढी एफसी र ललितपुर सिटी एफसीबीचको खेल पनि बराबरीमा सकिएको छ । दशरथ रङ्गशालामा भएको खेलमा बराबरी खेल्दै दुबै टोलीले अङ्क बाँडेका छन् । धनगढीको दुई खेलमा ६ अंक रहँदा ललितपुरको समान दुई खेलमा ४ अंक रहेको छ ।।