रसुवाको टिमुरेमा सुख्खा पहिरो ,आठ वटा कन्टेनरमा क्षति

रसुवा – रसुवाको टिमुरेमा आज राती गएको सुख्खा पहिरोले आठ वटा कन्टेनरमा क्षति पुगेको छ ।

चीनको केरुङमा चीनीयाँ समान लिन जान लागेका केन्टनरमा पहिरोले क्षति गरेको हो ।

छ वटा कन्टेनर पुर्ण रुपमा क्षति पुगेको छ भने दुई वटा कन्टेनरमा आंशिक क्षति पुगेको सिमा प्रहरि चौकि टिमुरेका प्रहरि नायब निरिक्षक कृष्ण बहादुर धितालले जानकारी दिनुभयो ।

पहिरोले मानबिय क्षति भने नभएको उहाँको भनाई छ ।

उता चीन तर्फको सडक पनि बर्षात र पहिरोका कारण पूर्ण रुपमा अबरुद्घ रहेकाले चीनको केरुङमा चीनीयाँ समान लिनका लागि हिडेका नेपाली कन्टेनरहरु सयौंको संख्यामा बीच बाटामा नै अलपत्र अबस्था रहेका छन ।।