नेपालले केन्या विरुद्धको तेस्रो टी-ट्वान्टी खेल खेल्दै

काठमाडौं- नेपालले केन्या विरुद्धको तेस्रो टी-ट्वान्टी खेल आज खेल्दैछ ।

खेल नैरोवीस्थित जिमखाना क्रिकेट मैदानमा खेलिनेछ । आजको खेलपछि दुई टोलीबीच चौंथो टी-ट्वान्टी भोलि खेलिने तालिका छ । यस्तै पाँचौ तथा अन्तिम टी-ट्वान्टी भदौ १४ गते हुनेछ । घरेलु टोली केन्याविरुद्धको दोस्रो टी-ट्वान्टी क्रिकेटमा नेपाल पराजित भएको थियो ।

शुक्रबारको खेलमा नेपाललाई केन्याले १८ रनले पराजित गरेको थियो । बिहीबार भएको पहिलो खेलमा भने नेपालले केन्यालाई ५ विकेटले हराएको थियो । टी-ट्वान्टी शृङ्खलापछि नेपालले केन्यासँग तीन खेलको एकदिवसीय शृङ्खला खेल्नेछ । पहिलो एकदिवसीय खेल भदौ १७ गते, दोस्रो खेल भदौ १८ गते र तेस्रो खेल भदौ २० गते हुने तालिका रहेको छ ।